15 दिवसांवर लग्न, मूव्हीला जाते सांगून प्रियकराच्या घरी गेली अन….

Breaking News | Pune Crime:  प्रेयसीचा विवाह ठरल्याने प्रियकराने तिचा खून करून मृतदेह घरात ठेवला. त्यानंतर त्याने रेल्वेखाली आत्महत्या केली. दोघे एकाच रुग्णालयात लॅब टेक्निशन म्हणून काम करत होते.

पुणे: प्रेयसीचा विवाह ठरल्याने प्रियकराने घरी बोलावून तिचा खून करून मृतदेह घरात ठेवला. तळेगाव दाभाडे गाठून रेल्वेखाली येऊन आत्महत्या केली. प्रेमसंबंधातील वादातून ही घटना घडली आहे. दिव्या संतोष निघोट (वय २३, रा. लोणीकंद) असे खून झालेल्या तरुणीचे नाव आहे. गणेश काळे (वय २८, रा. सध्या संगमवाडी, मूळ गाव बीड) असे आत्महत्या केलेल्या मुलाचे नाव आहे. खून झालेली तरुणी पोलिस दलातील कर्मचाऱ्याची मुलगी होती. येरवडा पोलिस ठाण्यात रात्री उशिरापर्यंत गुन्हा दाखल करण्याचे काम सुरू होते.

दिव्या आणि संतोष हे दोघे रुबी हॉल क्लिनिक हॉस्पिटलमध्ये पॅथॉलॉजीमध्ये लॅब टेक्निशन म्हणून नोकरी करत होते. दिव्या हिचे वडील येरवडा पोलिस ठाण्यात नेमणुकीला आहेत. संतोष आणि दिव्या या दोघांची चांगली मैत्री होती. दीड वर्षांपूर्वी संतोष याने दिव्या हिला प्रेमाची मागणी घातली होती. त्या वेळी दिव्या हिने घरच्यांना ही गोष्ट सांगितली होती. मात्र, कुटुंबीयांनी नकार दिला होता. पण दोघे एकाच ठिकाणी कामाला असल्याने दोघांच्या मैत्रीचे प्रेमात रूपांतर झाले.

येत्या १५ डिसेंबरला दिव्या हिचा विवाह ठरला होता. त्यासाठी तिच्या वडिलांनी सुट्टी काढली होती. शनिवारी दिव्या घरच्यांना चित्रपट पाहायला जाणार असल्याचे सांगून संतोष याला भेटण्यासाठी संगमवाडीला त्याच्या घरी आली होती. या वेळी दोघांमध्ये वाद झाल्याने संतोष काळे याने तिचा खून केला आणि मृतदेह घरात ठेवून कुलूप लावून तळेगाव दाभाडे गाठले. शनिवारी मध्यरात्री काळे याने रेल्वेखाली जाऊन आत्महत्या केली. रेल्वे पोलिसांनी माहिती पोलिसांना कळवली.

त्या वेळी दिव्या हिच्या वडिलांना संतोष काळे याने आत्महत्या केल्याचे समजले. त्यानंतर दिव्याच्या वडिलांनी तिला फोन केला. परंतु, ती घेत नव्हती. रुबी हॉलमध्ये काम करत असल्याने वडिलांनी कोरेगाव पार्क पोलिस ठाण्यात हरविल्याची तक्रार दिली. पोलिसांनी रविवारी मोबाइल लोकेशनवरून तपासला सुरुवात केल्यावर दिव्या हिचे लोकेशन संगमवाडी दाखवत होते. पोलिस दुपारी एक वाजता घटनास्थळी आले. काळे याच्या घराचे कुलूप तोडून त्यांनी आत प्रवेश केल्यावर दिव्या हिचा मृतदेह आढळून आला. तरुणीच्या नाकावर जखम आढळून आली. अंगावर कोठेही जखमा नाहीत. शवविच्छेदन अहवाल आल्यावर मृत्यूचे नेमके कारण समजू शकेल अशी माहिती वरिष्ठ पोलिस निरीक्षक अंजुम बागवान यांनी दिली.

दिव्या आणि संतोष हे दोघे रुबी हॉल क्लिनिक हॉस्पिटलमध्ये पॅथॉलॉजीमध्ये लॅब टेक्निशन म्हणून नोकरी करत होते. त्यामुळे रुबी हॉल क्लिनिकच्या कायदेशीर सल्लागार अॅड. मंजुषा कुलकर्णी यांनी याबाबत निवेदन प्रसिद्ध करून घडलेल्या घटनेबद्दल दुःख व्यक्त केले. या प्रकरणाचा पोलिस तपास सुरू आहे. पोलिसांना चौकशीसाठी आम्ही सहकार्य करणार असल्याचे निवेदनात म्हटले आहे.

Breaking News: 15 days to get married, she went to her boyfriend’s house