अहमदनगर: त्या तिघी मैत्रिणी हैदराबादमध्ये
Ahmednagar News: शहरातून बेपत्ता झालेल्या तिघी मैत्रिणींचा शोध लावण्यात तोफखाना पोलिसांना यश.
अहमदनगर: नगर शहरातून बेपत्ता झालेल्या तिघी मैत्रिणींचा शोध लावण्यात तोफखाना पोलिसांना गुरुवारी यश आले. या तिन्ही मैत्रिणी हैदराबादमध्ये मिळून आल्या असून, त्यांना ताब्यात घेण्यासाठी तोफखाना पोलिसांचे एक पथक हैदराबादला रवाना झाले आहे. या मुली हैदराबादला कुणासोबत गेल्या हे अद्याप स्पष्ट झालेले नाही. सीसीटीव्हीमुळे तपासाला दिशा मिळाली आहे.
शहरातील तिन्ही शाळकरी मुली मंगळवारी बेपत्ता झाल्या. या मुली शाळेत जाते, असे सांगून गेल्या. परंतु, रात्री उशिरापर्यंत घरी परत आल्या नव्हत्या. याबाबत नातेवाइकांनी तोफखाना पोलिस ठाण्यात फिर्याद दिली होती.
पोलिस निरीक्षक मधुकर साळवे यांच्या मार्गदर्शनाखाली पथकाने मुलींचा शोध घेतला. तांत्रिक विश्लेषणातून काही मुलांची नावे समोर आली. तेव्हा चार मुली मित्रांसोबत डोंगरगणला फिरायला गेल्या होत्या. त्या सायंकाळी पुन्हा परत आल्या. यातील एक मुलगी घरी परत गेली. यातील तिघी मैत्रिणी मात्र घरी गेल्या नाहीत, अशी माहिती समोर आली. मित्रांनी शहरात आणून सोडल्यानंतर या मुली गेल्या कुठे याचा शोध तपासले. त्यात या मुली एका पांढऱ्या रंगाच्या कारमध्ये बसून गेल्याचे दिसल्या. त्यानंतर या मुली हैदराबादला गेल्याची माहिती मिळाली. नगर पोलिसांचे एक पथक हैदराबादला रवाना झाले अशी माहिती पोलिसांनी दिली.
Web Title: abducted Three friends in Hyderabad
See also: Latest Marathi News, Sangamner News, Ahmednagar News, Education Study, and Download Now Sangamner Akole News Ahmednagar Live App