Home Accident News अहमदनगर ब्रेकिंग: कार-कंटेनरच्या धडकेत दोन तरूणाचा मृत्यू

अहमदनगर ब्रेकिंग: कार-कंटेनरच्या धडकेत दोन तरूणाचा मृत्यू

October 23, 2023

Ahmednagar Accident: कार-कंटेनरची समोरासमोर धडक होऊन भीषण अपघाताची घटना, दोन तरूणांचा मृत्यू.

अहमदनगर: कार-कंटेनरची समोरासमोर धडक होऊन भीषण अपघाताची घटना नगर-दौंड रस्त्यावरील हिवरेझरे (ता. नगर) शिवारात सोमवारी (दि. 23) दुपारी दोनच्या सुमारास घडली. या अपघातात दोन तरूणांचा मृत्यू झाला असून एक जण जखमी झाला आहे. याप्रकरणी नगर तालुका पोलीस ठाण्यात नोंद करण्यात आली आहे.

अक्षय भरत डोमसे (वय 30 रा. कोपरखैरणी, वाशी, नवी मुंबई) व आयुष संतोष पवार (वय 18 रा. अयोध्यानगर, श्रीगोंदा) अशी अपघातात मृत झालेल्या दोघा तरूणांची नावे आहेत. संजय तुकाराम काळे (वय 46 रा. पारगाव सुद्रीक ता. श्रीगोंदा) असे जखमीचे नाव असून त्यांच्यावर येथील खासगी रूग्णालयात उपचार सुरू आहे

याबाबत मिळालेली माहिती अशी की, अक्षय डोमसे, आयुष पवार व संजय काळे हे कार मधून श्रीगोंदा येथून नगरच्या दिशेने येत होते तर कंटेनर नगर कडून श्रीगोंद्याच्या दिशेने जात असताना हिवरेझरे शिवारात दोन्ही वाहनांची समोरासमोर धडक झाली. या धडकेत कार मधील अक्षय डोमसे व आयुष पवार यांचा मृत्यू झाला असून काळे जखमी झाले आहेत.

दुपारी दोनच्या सुमारास अपघात झाल्यानंतर हिवरेझरे परिसरात मोठा आवाज झाला. या आवाजाने परिसरातील नागरिकांसह रस्त्याने जाणार्‍या-येणार्‍या प्रवाशांनी घटनास्थळी धाव घेतली. त्यांनी अपघातग्रस्तांना तातडीने रूग्णालयात दाखल केले. त्यातील दोघांना डॉक्टरांनी मृत घोषित केले. माहिती मिळाल्यानंतर नगर तालुका पोलिसांनी घटनास्थळी धाव घेतली. पोलिसांनी अपघाताची नोंद केली असून पुढील तपास करत आहेत.

Web Title: Accident Two youths die in car-container collision