अहमदनगर जिल्ह्यात म्युकरमायकोसिस आजारावर ७० जणांवर उपचार सुरु, तिघांचा मृत्यू
अहमदनगर | Ahmednagar: जिल्ह्यात एकूण ७३ म्युकरमायकोसिसचे रुग्ण आढळून आले आहेत. सध्या ७० जणांवर उपचार सुरु आहे. महापालिका क्षेत्रात एका जणाचा तर जिल्हा रुग्णालय कार्यक्षेत्रात २ अशा तीन जणांचा या आजाराने मृत्यू झाला आहे अशी माहिती जिल्हा आरोग्य यंत्रणेने दिली आहे.
या आजारावरील औषधी इंजेक्शनचा तुटवडा असल्याचे आरोग्य यंत्रणेतील अधिकाऱ्यांनी सांगितले. सध्या जिल्ह्यात म्युकरमायकोसिसच्या रुग्णांची वाढ होत आहे. जिल्ह्यात आतापर्यंत ७३ रुग्ण आढळून आले आहेत. यातील काही रुग्णांवर तातडीने उपचार व्हावेत तसेच इंजेक्शन उपलब्ध व्हावीत यासाठी काही रुग्णांनी थेट नाशिक, मुंबई, पुणे गाठले आहे. कोरोनातून बरे झाल्यानंतर या आजाराची लक्षणे आढळून येतात. आरोग्यमंत्री यांनी म्युकरमायकोसिस आजाराच्या रुग्णांवर महात्मा फुले जन आरोग्य योजनेतून मोफत उपचार करण्याचा आदेश मंगळवारी काढण्यात आला आहे.
Web Title: Ahmednagar mucormycosis 70 patient
