Home अहमदनगर राहुरी जवळ पुलाखाली आढळला शिर्डी जवळील तरुणाचा मृतदेह

राहुरी जवळ पुलाखाली आढळला शिर्डी जवळील तरुणाचा मृतदेह

December 29, 2023

Ahmednagar News | Rahuri: नगर-मनमाड मार्गालगत तनपुरे पेट्रोल पंपानजीक पुलाखाली एका ३५ वर्षीय पुरुषाचा मृतदेह (Dead body) आढळून आल्याने खळबळ.

राहुरी : राहुरी फॅक्टरी येथे नगर-मनमाड मार्गालगत तनपुरे पेट्रोल पंपानजीक पुलाखाली एका ३५ वर्षीय पुरुषाचा मृतदेह आढळून आल्याने खळबळ उडाली आहे. शिर्डी जवळील सावळीविहर येथील सचिन नानासाहेब वाणी असे या मृत व्यक्तीचे नाव असल्याचे समजते.

पेट्रोल पंपानजीक पुलाखाली काही नागरिकांनी कुजलेल्या अवस्थेत हा मृतदेह पाहिला. या घटनेची माहिती पोलिसांना मिळताच सहायक पोलिस निरीक्षक राजेंद्र लोखंडे, सहायक पोलिस उपनिरीक्षक तुळशीदास गिते, सोमनाथ जायभाय, रवींद्र कांबळे, अंबादास गिते, जयदीप बडे आदींनी घटनास्थळी धाव घेत मृतदेह शवविच्छेदनासाठी पाठविला. सदर व्यक्तीचा मृत्यू होऊन सात ते आठ दिवस झाल्याचा संशय व्यक्त केला जात आहे. सदर घटना नेमकी कशामुळे घडली? याबाबत अद्याप माहिती मिळाली नसून वेगवेगळ्या चर्चेला उधाण आले आहे.

Web Title: Dead Body of youth from Shirdi found under bridge near Rahuri