Home पुणे गाडीला धक्का लागल्याने भरपाईची मागणी, वादातून तरूणाची हत्या

गाडीला धक्का लागल्याने भरपाईची मागणी, वादातून तरूणाची हत्या

December 13, 2023

Pune Crime: वादातून तरुणाच्या तोंडावर व डोक्यावर धारदार शस्त्राने मारहाण करून खून (Murder).

पुणे: कारने जात असताना कारला धक्का लागल्याने कार घासली गेली.. यामुळे नुकसान भरपाईची मागणी केली. ही भरपाई मागण्यासाठी गेलेल्या तरुणाचा धारदार शस्राने वार करत खून केल्याची घटना शेवाळेवाडी येथे घडली. ही घटना रात्री सव्वादहाच्या सुमारास घडली आहे.

शेवाळवाडी येथील अभिषेक संजय भोसले (वय ३०) असे खून झालेल्या तरूणाचे नाव आहे. अभिषेक हा फर्निचरचे काम करतो. दरम्यान तो १२ डिसेंबरला सायंकाळी सहा वाजण्याच्या सुमारास कारने शेवाळेवाडी येथील महादेव मंदिराजवळून जात होता. त्यावेळी त्याच्या मोटारीला विलास सुरेश सकट (वय ३१ वर्षे, रा. चंदवाडी, फुरसुंगी) यांची गाडी घासली गेली. त्यावरून अभिषेक व विलास यांचा वादविवाद झाला होता.

दरम्यान रात्री सव्वादहा वाजण्याच्या सुमारास शेवाळेवाडी – फुरसुंगी रस्त्यावर नुकसान भरपाईबाबत चर्चा करण्यासाठी दोघे भेटले. त्यावेळी झालेल्या वादातून सकट यांच्यासह सात- आठ जणांनी अभिषेकच्या तोंडावर व डोक्यावर धारदार शस्त्राने मारहाण करून खून केला. या प्रकरणी हडपसर पोलिसांनी गुन्हा दाखल केला आहे. दोन संशितीत आरोपींना पोलीसांनी ताब्यात घेतले असून अधिक तपास व शोध सुरु आहे.

Web Title: Demand for compensation due to car shock, youth killed due to dispute