अल्पवयीन मुलीला गाडीवर बसवून धरणावर नेऊन अत्याचार

Breaking News | Malegaon Crime : एका 14 वर्षीय मुलीवर 54 वर्षाच्या नराधमानं लैंगिक अत्याचार केला आहे. पोलिसांनी नराधमाला बेड्या ठोकल्या असून त्याच्याविरुद्ध पोक्सो कायद्यांतर्गत गुन्हा दाखल करण्यात आला.

नाशिक: मालेगाव पुन्हा एकदा लैंगिक अत्याचाराच्या घटनेनं हादरलं आहे. एका 14 वर्षीय मुलीवर 54 वर्षाच्या नराधमानं लैंगिक अत्याचार केला आहे. पोलिसांनी नराधमाला बेड्या ठोकल्या असून त्याच्याविरुद्ध पोक्सो कायद्यांतर्गत गुन्हा दाखल करण्यात आला आहे. या घटनेमुळे पुन्हा एकदा खळबळ उडाली आहे.

अधिक माहिती अशी की, मालेगाव परिसरात ही सून्न करणारी तितकीच संतापजनक घटना घडली आहे. एका 54 वर्षीय नराधमानं 14 वर्षीय मुलीला रस्त्यात गाठलं. तिला फूस लावून आपल्या दुचाकीवर जबरदस्तीनं बसवलं. त्यानंतर दुचाकी सुसाट पळवत त्याने मुलीला गिरणा धरणावर नेलं आणि तिथं त्यानं मुलीवर अत्याचार केला.

दरम्यान, पीडित मुलीने स्वतः च्या बचावासाठी आरडाओरड केली. स्थानिक नागरिकांनी पीडितेचा आर्त हाक ऐकली आणि त्यांच्या मनात शंकेची पाल चुकचुकली. आवाजाच्या दिशेने नागरिकांनी धाव घेत नराधमाला रंगेहात पकडलं. शिवाय नराधमाच्या तावडीतून मुलीची सुटका देखील केली. त्यानंतर नागरिकांनी नराधमाला चांगलाच चोप दिला. पोलिसांना बोलावून नराधमाला त्यांच्या ताब्यात दिले. पोलिसांनी आरोपीला बेड्या ठोकल्या आहेत. त्याच्या विरुद्ध पोक्सो कायद्यांतर्गत गुन्हा दाखल करण्यात आला आहे.

दरम्यान, पीडित मुलीला पुढील उपचारासाठी शासकीय रुग्णालयात दाखल करण्यात आलं आहे. मालेगाव परिसरात लैंगिक अत्याचाराची घटना पुन्हा घडल्याने मोठी खळबळ उडाली आहे. नागरिकांमध्ये संतापाची लाट उसळली आहे. मुलींच्या सुरक्षिततेवर पुन्हा एकदा प्रश्नचिन्ह निर्माण झालं आहे. याशिवाय पालकवर्गात भीतीचं वातावरण पसरलं आहे.

Breaking News: Minor girl was taken to a dam and abused in a car