Home क्राईम धक्कादायक! माजी नगरसेविकेवर अत्याचार

धक्कादायक! माजी नगरसेविकेवर अत्याचार

October 5, 2023

Pune Crime: माजी नगरसेविकेवर तिच्या मित्रानेच अत्याचार (abused) केल्याची घटना समोर आली आहे.

पुणे: पुण्यात माजी नगरसेविकेवर तिच्या मित्रानेच अत्याचार केल्याची धक्कादायक घटना समोर आली आहे. या प्रकरणी नगरसेविकेने पोलिसांत फिर्याद दिल्यानंतर गुन्हा दाखल झाला आहे. तसेच पोलिसांनी आरोपीला अटक केली आहे. मित्र असलेल्या या आरोपीने धमक्या देत पैसेही घेतल्याचा आरोप माजी नगरसेविकेने पोलिसात दिलेल्या तक्रारीत केला आहे. पर्वती पोलीस या प्रकरणाचा अधिक तपास करत आहे.

याबाबत अधिक माहिती अशी की, पुणे येथील माजी नगरसेविका असलेल्या महिलेची सचिन मच्छिंद्र काकडे ( वय ४३, रा. संतोषनगर, कात्रज) याच्याशी मैत्री होती. त्या मैत्री संबंधातून काढलेले फोटो व्हायरल करण्याची धमकी सचिन काकडे याने देऊन माजी नगरसेविकेवर अत्याचार केला. 2017 पासून आरोपी काकडे याने धमकी देत सातत्याने अत्याचार केला. यामुळे त्या नगरसेविकेने अखेर पर्वती पोलिसांत सचिन काकडे विरोधात गुन्हा दाखल केला.

आरोपी सचिन काकडे आणि पीडित नगरसेविका हे अनेक वर्षांपासून मित्र होते. त्या महिलेच्या पतीला मैत्री संबंध बाबतची माहिती देईल. तसेच यासंदर्भातील फोटो आणि ध्वनिफित समाज माध्यमात व्हायरल करण्याची धमकी सचिन याने दिली. त्यासाठी दहा लाख रुपयांची मागणी केली. दहा लाख रुपये दिल्यानंतर पुन्हा पैशांची मागणी सचिन याच्याकडून होत होती. या घटनेने खळबळ उडाली आहे.

Web Title: Pune Ex-corporator Sexually Abused