अहमदनगर ब्रेकिंग! अश्लिल चाळे सुरु असलेल्या कॅफेवर छापा
Breaking News | Ahmednagar: शाळा, कॉलेजच्या मुला- मुलींना अश्लिल चाळे करण्यासाठी जागा उपलब्ध करून देणाऱ्या कॅफे चालकाविरोधात गुन्हा दाखल.
अहमदनगर: शाळा, कॉलेजच्या मुला- मुलींना अश्लिल चाळे करण्यासाठी जागा उपलब्ध करून देणाऱ्या पंपिंग स्टेशन रस्त्यावरील, ताठेनगर येथील गोल्ड स्टार कॅफेवर तोफखाना पोलिसांनी छापा टाकून कारवाई केली. तेथे अश्लिल चाळे करताना मुले-मुली आढळून आली. त्यांना तोंडी समज देऊन सोडण्यात आले.
पोलीस अंमलदार सुमीत गवळी यांनी फिर्याद दिली आहे. ओंकार कैलास ताठे (वय २३ रा. ताठेनगर, सावेडी) असे गुन्हा दाखल झालेल्या कॅफे चालकाचे नाव आहे. पंपिंग स्टेशन रस्ता, ताठेनगर येथे गोल्ड स्टार कॅफेच्या नावाखाली विविध गाळ्यांमध्ये प्लायवुडचे कंम्पार्टमेंट करून, पडदे लावुन अंधार केला असून तेथे शाळा, कॉलेजमधील मुला-मुलींना अश्लिल चाळे करण्यासाठी जागा उपलब्ध करून दिली असल्याची माहिती तोफखाना पोलिसांना मिळाली होती.
पोलीस निरीक्षक आनंद कोकरे यांच्या मार्गदर्शनाखाली पोलीस उपनिरीक्षक सचिन रणशेवरे, पोलीस अंमलदार दत्तात्रय जपे, सुनील शिरसाठ, दिनेश मोरे, संदीप धामणे, वसीम पठाण, अहमद इनामदार, सुधीर खाडे, सतीष त्रिभुवन, सतीष भवर, दत्तात्रय कोतकर, शिरीष तरटे, गवळी, भापसे यांच्या पथकाने शनिवारी (दि. २०) दुपारी सदर कॅफेवर छापा टाकून कारवाई केली आहे.
Web Title: Raid a cafe where obscene chale is going on
See also: Latest Marathi News, Breaking News live, Education Study
