संगमनेरातील जुगार अड्ड्यांवर छापा

February 7, 2024

Breaking News | Sangamner: छाप्यात दोघांना मटका नावाचा हारजितीचा जुगार खेळताना व खेळवताना पकडले.

संगमनेर: संगमनेर शहरात खुलेआमपणे जुगार सुरू असल्याचे पन्हा एकदा समोर आले आहे. शहर पोलिसांच्या पथकाने मंगळवारी दुपारी साडेबारा वाजेच्या सुमारास टाकलेल्या छाप्यात दोघांना मटका नावाचा हारजितीचा जुगार खेळताना व खेळवताना पकडले आहे. या कारवाईत पोलिसांनी १०३० रुपयांचा मुद्देमाल जप्त केला आहे.

शहरातील शक्तिमान टॉवर येथे मटका जुगार सुरू असल्याची गुप्त माहिती पोलीस निरीक्षक भगवान मथुरे यांना मिळाली. त्यानुसार पथकाला कारवाईच्या सूचना दिल्या. पथकाने छापा टाकला असता टाकलेल्या छाप्यात दोघांना मटका नावाचा हारजितीचा जुगार खेळताना व खेळवताना पकडले आहे. सतीश शेखर बाप्पा रा. चव्हाणपुरा, संगमनेर व केशव गजानन भुजबळ रा. इंदिरानगर संगमनेर हे दोघे मटका जुगार खेळताना व खेळवताना मिळून आले. याप्रकरणी महाराष्ट्र जुगार कायदा कलम १२ (अ) नुसार दोन स्वतंत्र गुन्हे दाखल केले आहेत. याचा अधिक तपास शहर पोलीस करत आहेत.

Web Title: Raid gambling dens in Sangamner