संगमनेरात कत्तलखाण्यावर छापा, गोमांस जप्त

March 7, 2024

Breaking News | Sangamner: स्थानिक गुन्हे शाखेच्या पथकाने छापा टाकून ८५० किलो गोमांस जप्त केले.

संगमनेर: शहरातील भारतनगर येथे पोलिसांच्या पथकाने मंगळवार दि. ५ मार्च रोजी सायंकाळी साडेसहा वाजेच्या सुमारास स्थानिक गुन्हे शाखेच्या पथकाने छापा टाकून ८५० किलो गोमांस जप्त केले आहे. या कारवाईवरून गोवंश जनावरांची हत्या सुरूच असल्याचे अधोरेखीत होत आहे.

याबाबत शहर पोलिसांकडून मिळालेली अधिक माहिती अशी, की गुन्हे शाखेच्या पोलिसांना भारतनगरमध्ये गोवंश जनावरांची कत्तल केली जात असल्याची माहिती मिळाली होती.

त्यानुसार पथकाने छापा टाकला असता अनिस गुलाम हैदर कुरेशी (वय २४, रा. राजवाडा, संगमनेर) याच्याकडे १ लाख ७० हजार रुपयांचे गोमांस मिळून आले. याप्रकरणी नगर स्थानिक गुन्हे शाखेचे पोकॉ. अमृत आढाव यांनी दिलेल्या फिर्यादीवरून शहर पोलिसांनी अनिस कुरेशी याच्यावर गुरनं. १९९/२०२४ भादंवि कलम २६९, ४२९, महाराष्ट्र पशु संरक्षण अधिनियमानुसार गुन्हा दाखल केला आहे. अधिक तपास पोलीस निरीक्षक भगवान मथुरे यांच्या मार्गदर्शनाखाली सहायक फौजदार लोखंडे करत आहेत.

Web Title: Slaughterhouse raided in Sangamner beef seized