संगमनेर: घराचे कुलूप तोडून दागिन्यांची चोरी

December 29, 2023

Sangamner Theft: घराच्या दरवाजाचे कुलूप तोडुन घरात घुसून कपाटातील ड्रावर मध्ये ठेवलेले सोन्या-चांदीच्या दागिन्यासह रोख रक्कम, असा २६ हजारांचा ऐवज चोरल्याची घटना.

संगमनेर : अज्ञात चोरट्याने घराच्या दरवाजाचे कुलूप तोडुन घरात घुसून कपाटातील ड्रावर मध्ये ठेवलेले सोन्या-चांदीच्या दागिन्यासह रोख रक्कम, असा २६ हजारांचा ऐवज चोरल्याची घटना शहरातील अरगडे मळा परिसरात नुकतीच घडली.

याबाबत शहर पोलिसांकडून समजलेली माहिती अशी की, शहरातील आरगडे मळा परिसरात राहणाऱ्या शशांक वाल्मीक झोडगे यांच्या राहत्या घराच्या दरवाजाचे कुलूप तोडून अज्ञात चोरट्याने घरामध्ये प्रवेश केला. घरातील सामानाची त्याने उचका-पाचक केली.

चोरट्याने कपाटाच्या ड्रायव्हर मधील २० हजार रुपये किमतीचे सुमार सात ग्रॅम वजनाचे सोन्याचे दागिने, त्यात सोन्याचे मनगटे २ जोड ३० मनी, गळ्यातील ओमपान २, गळ्यातील सोन्याचे ३ मनी, २ हजार रुपये किमतीचे चांदीचे दागिने, त्यात चांदीचे कमरपटा, चांदीचे चाळ ३ जोड, चांदीचे हातातील कडे, ४ हजार रुपयांची रोख रक्कम, असा एकूण २६ हजारांचा ऐवज चोरून पलायन केले.

याबाबत शशांक झोडगे यांनी शहर पोलीस ठाण्यात फिर्याद दिली. या फिर्यादीवरून पोलिसांनी अज्ञात चोरट्याविरुद्ध गुन्हा दाखल केला आहे. अधिक तपास पोलीस नाईक महाले हे करीत आहे.

Web Title: Theft of jewelery by breaking the lock of a house