संगमनेर: अत्याचार प्रकरणातील मुख्य आरोपीसह तिघांना अटक

March 20, 2024

Breaking News | Sangamner Crime: अल्पवयीन मुलीवर अत्याचार करणाऱ्या मुख्य आरोपीसह त्याला मदत करणाऱ्या दोघांना घारगाव पोलिसांनी अटक.

संगमनेर : तालुक्यातील अल्पवयीन मुलीवर अत्याचार करणाऱ्या मुख्य आरोपीसह त्याला मदत करणाऱ्या दोघांना घारगाव पोलिसांनी अटक केली आहे. या तिघांनाही न्यायालयाने २२ मार्चपर्यंत पोलीस कोठडी सुनावली आहे. मागील महिन्यात दहावीत शिकणाऱ्या एका विद्यार्थिनीवर अत्याचार करण्यात आला होता. बदनामीच्या भीतीने तिने आत्महत्या केली. याबाबत घारगाव पोलीस ठाण्यात नुकताच गुन्हा दाखल करण्यात आला आहे. या प्रकरणातील मुख्य आरोपी सौरभ रावसाहेब खेमनर (वय २१, रा. हिरेवाडी) याच्यासह त्याला मदत करणाऱ्या दोघांना अटक केली आहे. या घटनेनंतर तब्बल १८ दिवसानंतर पोलीस ठाण्यात फिर्याद देण्यात आली होती. पोलिसांनी जलद तपास करीत मुख्य आरोपी सौरभ रावसाहेब खेमनर, त्याला सहाय्य करणारे योगेश रामा खेमनर, प्रशांत भास्कर भडांगे यांना पोलिसांनी अटक केली आहे.