अहमदनगर जिल्ह्यातील पाच पोलीस निरीक्षकांच्या बदल्या

अहमदनगर | Ahmednagar News: जिल्हा पोलीस दलातील ५ पोलीस निरीक्षकांच्या बदल्या करण्यात आल्या आहेत. याबाबत जिल्हा पोलीस अधीक्षक मनोज पाटील यांनी शुकवारी उशिरा आदेश काढले.

याप्रमाणे पोलीस निरीक्षकांच्या बदल्या करण्यात आल्या आहेत. शिर्डी पोलीस ठाण्याचे निरीक्षक प्रविणचंद लोखंडे यांची विनंतीवरून साई मंदिर सुरक्षा येथे बदली करण्यात आली. शिर्डी पोलीस ठाण्याच्या निरीक्षकपदी नगर शहर वाहतूक शाखेचे निरीक्षक विकास देवरे यांची बदली करण्यात आली आहे.

अर्ज शाखेचे पोलीस निरीक्षक राजेंद्र भोसले यांची नगर शहर वाहतूक शाखेत बदली करण्यात आली आहे. पाथर्डी पोलीस ठाण्याचे निरीक्षक अरविंद जोंधळे यांची विनंतीवरून आर्थिक गुन्हे शाखेत बदली करण्यात आली आहे. आर्थिक गुन्हे शाखेचे सुहास चव्हाण यांची पाथर्डी पोलीस ठाण्यात बदली करण्यात आली आहे.

Web Title: Transfers of five police inspectors in Ahmednagar News