Home अहमदनगर संगमनेर: एकाच रस्त्यावर दोन अपघात, तरुणासह एका विवाहितेचा मृत्यू

संगमनेर: एकाच रस्त्यावर दोन अपघात, तरुणासह एका विवाहितेचा मृत्यू

December 21, 2023

Sangamner Accident: दोन वेगवेगळ्या दुर्दैवी अपघातात एका ३२ वर्षीय तरुणाचा तर एका ३१ वर्षीय विवाहित महिलेचा मृत्यू झाल्याची घटना.

संगमनेर: दाढ बुद्रक ते कोल्हार रस्त्यावर मागील दोन दिवसांत दोन वेगवेगळे अपघात घडल्याचे समोर आले आहे. या दोन वेगवेगळ्या दुर्दैवी अपघातात एका ३२ वर्षीय तरुणाचा तर एका ३१ वर्षीय विवाहित महिलेचा मृत्यू झाल्याची घटना घडली आहे. या रस्त्यावर असलेल्या गतिरोधकामुळे एक अपघात झाल्याची चर्चा परिसरात सुरू आहे.

संदीप भाऊसाहेब वाणी (वय ३२, रा. दाढ बुद्रुक, ता. राहाता) हा तरुण पुणे येथे नोकरी करत होता. सोमवारी (दि.१८) डिसेंबर रोजी दाढ बुद्रुक कोल्हार रस्त्याने रात्रीच्या सुमारास घराच्या दिशेने तो दुचाकीवरून येत होता. यावेळी दादा तांबे यांच्या वस्तीनजीक त्याला अज्ञात वाहनाने हुलकावणी दिल्याने त्याचा भिषण अपघात झाला. यामध्ये या तरुणाचा दुर्दैवी मृत्यू झाला.

तर दुसऱ्या घटनेत बुधवारी (दि.२०) डिसेंबर रोजी स्वाती नितीन पाबळे (वय ३१, रा. दाढ खुर्द, ता. संगमनेर) या आपल्या पती समवेत दाढ बुद्रुक ते कोल्हार रस्त्याने सकाळी १०.३० वाजेच्या सुमारास दुचाकीवरून राजुरीच्या दिशेने जात असताना यावेळी खर्डे-पाटोळे वस्तीनजीक असलेल्या जिल्हा परिषद प्राथमिक शाळेजवळील गतिरोधकावर दुचाकी आदळून अपघात झाला. यामध्ये स्वाती पाबळे यांच्या डोक्याला गंभीर दुखापत झाली. उपचारासाठी त्यांना रुग्णालयात दाखल केले. मात्र उपचारापूर्वीच त्यांना डॉक्टरांनी मृत घोषित केले. या दोन घटनांनी पंचक्रोषित शोककळा पसरली आहे.

Web Title: Two accidents on the same road, a married man died along with a young man