Breaking News | Ahmednagar: दोन अल्पवयीन मुलींना अज्ञात व्यक्तीने फूस लावून पळवून नेल्याच्या घटना. (abducted)
अहमदनगर: शहरातून दोन अल्पवयीन मुलींना अज्ञात व्यक्तीने फूस लावून पळवून नेल्याच्या घटना घडल्या आहेत. याप्रकरणी पीडित मुलींच्या नातेवाईकांनी दिलेल्या फिर्यादीवरून तोफखाना व कोतवाली पोलीस ठाण्यात गुन्हे दाखल झाले आहेत.
तेलीखुंट परिसरात राहणाऱ्या एका महिलेने तोफखाना पोलीस ठाण्यात फिर्याद दिली आहे. त्यांची अल्पवयीन मुलगी (वय १६) यापूर्वी घरातून निघून गेली होती. पोलिसांनी तिचा शोध घेऊन पालकांच्या ताब्यात दिले होते. दरम्यान गुरूवारी (दि. २) दुपारी फिर्यादी व मुलगी घरात झोपलेले असताना अज्ञात व्यक्तीने मुलीला फूस लावून पळवून नेले. फिर्यादी व नातेवाईकांनी तिचा शोध घेतला असता ती मिळून आली
नाही. त्यानंतर तोफखाना पोलिसांना माहिती देण्यात आली. पोलिसांनी अपहरणाचा गुन्हा दाखल केला असून सहायक पोलीस निरीक्षक पुनम श्रीवास्तव अधिक तपास करीत आहेत. केडगाव उपनगरात राहणाऱ्या पुरूषाने कोतवाली पोलीस ठाण्यात फिर्याद दिली आहे. त्यांच्या अल्पवयीन मुलीचे (वय १३) त्यांनी गुरूवारी (दि. २) सकाळी एका शाळेत अॅडमिशन केले व तिला घरी सोडले. फिर्यादी कामावर निघून गेले असता मुलगी केडगाव परिसरात राहणाऱ्या आजीकडे जाते असे सांगून घरातून बाहेर पडली. ती आजीकडे गेलीच नसल्याचे समोर आले आहे. तिला अज्ञात व्यक्तीने फूस लावून पळवून नेले असल्याचे फिर्यादीत म्हटले आहे. पोलीस मुलीचा शोध घेत आहेत.
Web Title: Two minor girls were abducted
See also: Latest Marathi News, Breaking News live, Education Study
