संगमनेर: महिलेचा विनयभंग करून मुलास मारहाण

Sangamner News:  घरी जाणाऱ्या ३८ वर्षीय महिलेचा हात धरून तिला लज्जा येईल, असे कृत्य, विनयभंग (Molested) करण्यात आला.

संगमनेर : घरी जाणाऱ्या ३८ वर्षीय महिलेचा हात धरून तिला लज्जा येईल, असे कृत्य, विनयभंग करण्यात आला. तिच्या मुलाला देखील मारहाण करण्यात आली. त्याला सोडविण्यासाठी आलेल्या तिघांनाही मारहाण करण्यात आली. ही घटना शुक्रवारी (दि. २१) रात्री नऊच्या सुमारास शहरातील नाईकवाडपुरा येथे घडली. याप्रकरणी महिलेने दिलेल्या फिर्यादीवरून २८ जणांविरुद्ध शनिवारी (दि. २२) संगमनेर शहर पोलिस ठाण्यात गुन्हा दाखल करण्यात आला.

अहमद अब्दुल वाहिद शेख, रिजवान अब्दुल वाहिद शेख, जयेश अहमद शेख, रेहान रहीस शेख, नवाज शेख, कलीम कादरी, रेहान शेख, फारूक शेख ऊर्फ मुन्ना (सर्व रा. जामा मस्जिद, नाईकवाडपुरा, संगमनेर) अशी गुन्हा दाखल झालेल्यांची नावे असून त्यांच्यासह इतर १५ ते २० जणांविरुद्ध गुन्हा दाखल झाला आहे.

याबाबत अधिक माहिती अशी की, ३८ वर्षीय फिर्यादी महिला घरी जात होती. त्यावेळी अहमद अब्दुल वाहिद शेख याने तिचा हात धरून तिला लज्जा येईल, असे कृत्य केले. त्यानंतर तिच्या मुलाला मारहाण केली. जयेश शेख याने हॉकी स्टिकने मारहाण केली. यात एकाच्या छातीवर तलवारीचा मार लागला आहे. तुम्हाला मारून टाकू, अशी धमकीही देण्यात आली. या मारहाणीत  तलवार, चाकू, हॉकी स्टिकचा वापर करण्यात आला. पोलिस निरीक्षक भगवान मथुरे यांच्या मार्गदर्शनाखाली पोलिस उपनिरीक्षक निवांत जाधव तपास करीत आहेत.

Web Title: Woman Molested and child beaten

See Latest Marathi News, Ahmednagar News, Education Study and Download Now Sangamner Akole News Ahmednagar Live App