Breaking News | Sangamner: रस्त्यादरम्यान स्टोन क्रशर परिसरात शेतातील लिंबाच्या झाडाला दोराच्या साहाय्याने गळफास घेत एका तरुणाने आत्महत्या केल्याची घटना. (Suicide).
संगमनेर: संगमनेर तालुक्यातील तळेगाव दिघे शिवारातील जोर्वेकर वस्तीकडे जाणाऱ्या रस्त्यादरम्यान स्टोन क्रशर परिसरात शेतातील लिंबाच्या झाडाला दोराच्या साहाय्याने गळफास घेत एका तरुणाने आत्महत्या केली. योगेश भागवत दिघे (वय २५) असे आत्महत्या केलेल्या तरुणाचे नाव आहे. सोमवारी (दि. १२ ऑगस्ट) सकाळी १० वाजेच्या सुमारास ही घटना उघडकीस आली. वडिलांपाठोपाठ तीन महिन्यांच्या आत मुलाने गळफास घेत आत्महत्या केल्याच्या या घटनेने पंचक्रोशीत खळबळ उडाली आहे.
याबाबत तालुका पोलिसांनी दिलेली अधिक माहिती अशी, तळेगाव दिघे येथील तरुण योगेश भागवत दिघे यांचा मृतदेह तळेगाव शिवारातील जोर्वेकर वस्तीकडे जाणाऱ्या रस्त्यादरम्यान स्टोन क्रशर परिसरात शेतात असलेल्या लिंबाच्या झाडाला सुती दोरीच्या साहाय्याने गळफास घेतलेल्या स्थितीत आढळून आला. तो चारा आणण्यासाठी जातो, असे घरी सांगून शेताकडे गेला होता. दरम्यान त्याने झाडाला गळफास घेत जीवनयात्रा संपविली. योगेश हा घरी आला नाही म्हणून त्याचा भाऊ शेताकडे गेला असता सदर प्रकार उघडकीस आला. याबाबत पोलीस पाटील देवीदास कांदळकर यांनी संगमनेर तालुका पोलिसांना माहिती दिली. त्यानंतर पोलीस निरीक्षक देवीदास ढुमणे यांच्या मार्गदर्शनाखाली पोलीस हेड कॉन्स्टेबल राजेंद्र पालवे व दत्तात्रय बडदे यांनी तातडीने घटनास्थळी धाव घेत घटनेचा पंचनामा करीत मृतदेह झाडावरून खाली घेतला. त्यानंतर मृतदेह उत्तरीय तपासणीसाठी – वृत्तवाडी ग्रामीण रुग्णालयात हलविला. याप्रकरणी मयताचा भाऊ रामेश्वर भागवत दिघे यांनी खबर दिली. त्यानुसार संगमनेर तालुका पोलीस ठाण्यात आकस्मात मृत्यूची नोंद करण्यात आली आहे.
Web Title: Youth committed suicide by hanging
See also: Latest Marathi News, Breaking News live, Education Study
