संगमनेर: स्टोन क्रेशरवर काम करणाऱ्या तरुणाचा विजेचा शॉक लागून मृत्यू

Sangamner News: खासगी स्टोन क्रेशरवर दोन वर्षांपासून काम करणाऱ्या तरुणाचा विजेचा शॉक ( electric shock) लागून मृत्यू झाल्याची खळबळजनक घटना.

संगमनेर: खासगी स्टोन क्रेशरवर दोन वर्षांपासून काम करणाऱ्या तरुणाचा विजेचा शॉक लागून मृत्यू झाल्याची खळबळजनक घटना संगमनेर तालुक्यातील सोनोशी शिवारात घडली आहे. गुरुवारी दि. २८ रोजी दुपारी साडेबारा वाजेच्या सुमारास ही घटना घडली. काशीनाथ दत्तू खेमनर (वय 42 वर्षे, रा. नान्नज दुमाला) असे या मृत तरुणाचे नाव आहे. तब्बल 30 तासानंतर या तरुणाचा मृतदेह नातेवाईकांच्या ताब्यात देण्यात आला.

पोलिसांकडून मिळालेली माहिती अशी की,  संगमनेर तालुक्यातील काशिनाथ दत्तू खेमनर हा तरुण दोन वर्षांपासून सोनूशी शिवारात एका खासगी स्टोन क्रेशरवर काम करीत असताना अचानक त्याला विजेचा धक्का बसला, मात्र स्टोन क्रेशर चालकाने जखमी तरुणाच्या नातेवाईकांना माहिती न देता थेट घुलेवाडी येथे ग्रामीण रुग्णालयात नेण्यात आले. उपचारापूर्वीच मृत्यू झाला असे वैद्यकीय अधिकाऱ्यांनी सांगितले.  या घटनेची माहिती तब्बल चार ते पाच तासांनी खेमनर यांच्या नातेवाईकांना दिली. यानंतर आक्रमक झालेले खेमनर यांचे नातेवाईक घुलेवाडी ग्रामीण रुग्णालयात दाखल झाले. त्यांनी तरुणाचा मृत्यू घातपाताने मृत्यू झाल्याचा नातेवाईकांनी संशय व्यक्त केला. स्टोनक्रेशरला प्रदूषण नियंत्रण महामंडळाची परवानगी नसताना विजेची परवानगी कोणी दिली, असा संशय मृत खेमनरच्या नातेवाईकांनी व्यक्त केला.

अहमदनगर मोठी बातमी: गौतमी पाटीलवर गुन्हा दाखल, Gautami Patil

जोपर्यंत स्टोन क्रेशर मालकावर गुन्हा दाखल होत नाही, तोपर्यंत आम्ही मृतदेह ताब्यात घेणार नाही, असा आक्रमक पावित्रा मृत खेमनरच्या नातेवाईकांनी घेतला. यावेळी पोलिसांपुढे पेच निर्माण झाला. पो. नि. देविदास ढुमणे यांनी विश्वास देताच नातेवाईकांनी 30 तासानंतर मृतदेह ताब्यात घेतला.  या घटनेने परिसरात एकच खळबळ उडाली.

Web Title: Youth working on stone crusher died due to electric shock

See also: Latest Marathi News, Sangamner News, Ahmednagar News, Education Study, and Download Now Sangamner Akole News Ahmednagar Live App