दुचाकीचा धक्का लागला म्हणून थेट गोळीबार; मोठा राडा, दोन सराईतांना अटक
Breaking News | Pune Firing: रस्त्यावर दुचाकीचा धक्का लागल्याने झालेल्या वादातून बिबवेवाडीत मध्यरात्री सात जणांच्या टोळक्याने तरुणावर गोळीबार.
पुणे : रस्त्यावर दुचाकीचा धक्का लागल्याने झालेल्या वादातून बिबवेवाडीत मध्यरात्री सात जणांच्या टोळक्याने तरुणावर गोळीबार केला. या तरुणाला बेदम मारहाण करून त्याचा खून करण्याचा प्रयत्न केल्याप्रकरणी दोन सराईतांना अटक करण्यात आली असून, सातही आरोपींवर खुनाचा प्रयत्न आणि शस्त्रास्त्र कायद्यानुसार गुन्हा दाखल केला.
गणेश रवींद्र भालके (वय २१) आणि देवा डोलारे (वय २२, दोघे रा. अप्पर इंदिरानगर, बिबवेवाडी) अशी अटक केलेल्या आरोपींची नावे आहेत. त्यांच्यासह रोहन ऊर्फ बाळ्या राजू गाडे, सनी ऊर्फ हृषीकेश अनिल शिंदे, शंकर ऊर्फ बाबू कैलास पंधेकर, बंटी म्हस्के व अक्षय शैलेंद्र भालके यांच्याविरोधात बिबवेवाडी पोलिस ठाण्यात गुन्हा दाखल करण्यात आला असून, पोलिस त्यांचा शोध घेत आहेत. याबाबत अमित महावीर लकडे (वय २८, रा. ओटा वसाहत, अप्पर इंदिरानगर, बिबवेवाडी) यांनी तक्रार दिली आहे. ही घटना रविवारी मध्यरात्री सव्वादोन ते अडीचच्या सुमारास अप्पर बिबवेवाडी येथील डॉ. बाबासाहेब आंबेडकर उद्यानामागे हनुमान मित्रमंडळ चौकात घडली.
महत्वाचे: नवनवीन फिचर मिळविण्यासाठी आजच आपला अॅप अपडेट करा. येथे क्लिक करा.
अक्षय भालके याच्या दुचाकीची धडक तक्रारदार अमित लकडेच्या दुचाकीला धडक बसली. त्यामुळे त्यांच्यामध्ये भांडणे झाली. त्यानंतर मध्यरात्री दोनच्या सुमारास लकडे जेवण झाल्यावर घरासमोर हनुमान मंदिराजवळ फेरफटका मारत होते. त्या वेळी आरोपी सनी शिंदे, बाब्या पंधेकर, गणेश भालके, बंटी म्हस्के, देवा डोलारे तेथे थांबले होते. आरोपींनी लकडे यांच्याबरोबर भांडणे सुरू केली. तुझ्या दाजींनी पोलिसांकडे तक्रार का केली, असे विचारत आरोपींनी लकडे यांना शिवीगाळ केली. आरोपी बाळ्या गाडेने त्याचे पिस्तूल लकडे यांच्यावर रोखून गोळीबार केला, तसेच लाथाबुक्क्यांनी आणि काठीने मारहाण केली. गोळी न लागल्याने तक्रारदार थोडक्यात बचावले. हा गोंधळ ऐकून लकडेचे नातेवाइक तिथे पळत आले. त्या वेळी आरोपींनी पिस्तूल हवेत रोखून दहशत माजवली, असे तक्रारीत नमूद आहे.
Breaking News: Due to double push, direct firing two arrested
