शिक्षकच झाला भक्षक, अश्लील व्हिडिओ दाखवत चौथीतल्या विद्यार्थिनीवर लैंगिक अत्याचार

Breaking News | Chhatrapati Sambhajinagar Crime: खाजगी शिकवणी असलेल्या टॉपर क्लासच्या 45 वर्षीय शिक्षकाने चौथीतल्या विद्यार्थिनीवर लैंगिक अत्याचार केल्याची संतापजनक घटना.

छत्रपती संभाजीनगर:  शहराजवळील रांजणगाव शेनपुंजी येथील नर्सरी कॉलनीमध्ये धक्कादायक प्रकारसमोर आला आहे .खाजगी शिकवणी असलेल्या टॉपर क्लासच्या 45 वर्षीय शिक्षकाने चौथीतल्या विद्यार्थिनीवर लैंगिक अत्याचार केल्याची संतापजनक घटना आज (दि 15 जून) सकाळी उघडकीस आली आहे. या धक्कादायक प्रकाराने संपूर्ण जिल्हा हादरला आहे.

सुभाष जाधव (45)  असे आरोपी शिक्षकाचे नाव असून दीड वर्षापासून रांजणगाव शेपू येथे नर्सरी कॉलनीमध्ये टॉपर क्लासेस नावाने आरोपीची शिकवणी आहे . तीन दिवसांपूर्वी विद्यार्थिनीला अश्लील व्हिडिओ दाखवत नराधमाने चौथीतल्या विद्यार्थिनीवर लैंगिक अत्याचार केला . आज सकाळी ही घटना उघडकीस आली असून या प्रकरणी वाळूज एमआयडीसी पोलीस ठाण्यात नराधम शिक्षकाविरोधात गुन्हा नोंदवण्याची प्रक्रिया सुरू आहे .

याबाबत मिळालेली माहिती अशी की, छत्रपती संभाजीनगर शहराजवळील रांजणगाव शेनपुंजी येथील नर्सरी कॉलनीमध्ये  45 वर्षीय शिक्षकाने चौथीत शिकणाऱ्या अकरा वर्षीय विद्यार्थिनीला अश्लील व्हिडिओ दाखवत लैंगिक अत्याचार केल्याची संतापजनक घटना घडली आहे . सुभाष जाधव असे आरोपी शिक्षकाचे नाव आहे . पोलिसांनी दिलेल्या अधिक माहितीनुसार दीड वर्षांपासून रांजणगाव शेपू येथे नर्सरी कॉलनी मध्ये टॉपर क्लासेस या नावाने आरोपीची शिकवणी आहे .एम ए इंग्रजी एम एड असलेल्या सुभाष जाधव कॅनराधमासह तीन शिक्षकांनी मिळून ही शिकवणी सुरू केली होती .तीन दिवसांपूर्वी चौथीत शिकणाऱ्या अकरा वर्षीय विद्यार्थिनीला नराधमाने अश्लील व्हिडिओ दाखवत अत्याचार केला.

नराधम शिक्षकाला चांगलाच चोप

नराधमाने विद्यार्थिनीवर अत्याचार केल्यानंतर हा प्रकार घरी सांगितलास तर आई-वडिलांचे तुकडे करेन अशी धमकी दिली .घाबरलेल्या मुलींना क्लासला जायचं बंद केलं .मुलगी क्लासला जात नसल्याने आई-वडिलांनी विचारपूस केली असता मुलीने सर्व हकीकत आपल्या पालकांना सांगितली . आपल्या मुली सोबत झालेला प्रकार समजतात मुलीच्या नातेवाईकांनी नराधम शिक्षकाला चांगलाच चोप दिला आहे.

Breaking News: Sexual assault on a fourth-grade student while showing him a pornographic video