फेसबुकवरील मित्राने केला घात, शरीरसंबंध ठेवत विवाहितेला जाळ्यात अडकवलं
Breaking News | Mahad Crime: फेसबुकवर ओळख झालेल्या एका तरुणाने तिच्याशी जवळीक वाढवत वारंवार अत्याचार केल्याचा संतापजनक प्रकार उघडकीस.
महाड : रायगड जिल्ह्यातील महाड तालुक्यातून एक धक्कादायक घटना समोर आली आहे. सोशल मीडियावरील मैत्री एका विवाहित महिलेला चांगलीच महागात पडली आहे. फेसबुकवर ओळख झालेल्या एका तरुणाने तिच्याशी जवळीक वाढवत वारंवार अत्याचार केल्याचा संतापजनक प्रकार उघडकीस आला आहे. या प्रकरणामुळे महाड तालुक्यात खळबळ उडाली असून आरोपीला अटक करण्यात आली आहे.
पोलिसांनी दिलेली माहिती अशी की, पीडित महिला विवाहित असून, तिची ३८ वर्षीय आरोपीसोबत फेसबुकवरती ओळख झाली होती. या ओळखीचा गैरफायदा घेत आरोपीने महिलेसोबत शारीरिक संबंध प्रस्थापित केले. त्याचबरोबर आरोपीने अत्यंत घृणास्पद वर्तणूक केली. त्याने महिलेसोबतचे शारीरिक संबंध ठेवत असताना त्याचे व्हिडीओ देखील मोबाईलमध्ये रेकॉर्ड करून घेतले, तसेच तिचे फोटोही काढले. या फोटोंचा आणि व्हिडीओचा वापर करून आरोपीने विवाहीत महिलेला ब्लॅकमेल करण्यास सुरुवात केली. हे फोटो आणि व्हिडीओ व्हायरल करण्याची धमकी देत त्याने पीडितेच्या पतीला आणि मुलाला जीवे मारण्याचीही धमकी दिली. या धमक्यांमुळे घाबरलेल्या महिलेनं निमूटपणे आरोपीचे अत्याचार सहन करत राहिली.
या अडीच वर्षांच्या काळात आरोपीने पीडितेच्या गोरेगाव येथील राहत्या घरात तसेच मुंबईतील विक्रोळीतील स्वतःच्या निवासस्थानी वारंवार अत्याचार केल्याचे समोर आले आहे. या काळात आरोपीकडून झालेल्या मानसिक आणि शारीरिक छळामुळे पीडिता तीव्र तणावाखाली होती. दीर्घकाळ चाललेल्या अत्याचारानंतर अखेर महिलेनं धैर्य दाखवत महाड शहर पोलीस ठाण्यात तक्रार नोंदवली. तक्रार दाखल होताच पोलिसांनी ३८ वर्षीय आरोपीला तात्काळ अटक केली आहे. महाड शहर पोलीस या घटनेचा अधिक तपास करत आहेत.
Breaking News: Married woman trapped in a trap while having sex
