उड्डाणपुलावरून दुचाकी खाली कोसळली, तरुण ठार

Ahmednagar Accident:  दुचाकीवरील चालकाचे नियंत्रण सुटल्याने दुचाकी दुभाजकाला धडकून उड्डाणपुलावरून खाली कोसळली, तरुणाचा जागीच मृत्यू झाल्याची घटना.

नेवासा:  उड्डाणपूलावरील वळणावर नियंत्रण सुटल्याने दुचाकी दुभाजकाला धडकल्यानंतर उड्डाणपूलावरून खाली कोसळून झालेल्या भीषण अपघातात नेवासा तालुक्यातील गोंडेगाव येथील तरुणाचा जागीच मृत्यू झाल्याची दुर्घटना गुरुवार दि.८ डिसेंबर रोजी दुपारी धुळे-सोलापूर हायवेवरील धाराशिव कारखाना उड्डाणपुलावर घडली.

Business Idea | शेतीसंबंधित हा व्यवसाय सुरु करून दर दिवस हजारोंची कमाई करण्याची संधी

याबाबत अधिक माहिती अशी की, संदीप कारभारी धाडगे (रा. गोंडेगाव ता. नेवासा (वय ३७ वर्ष) हा तरूण पत्नी अंजली सह दुचाकीवरून मुरूम येथील नातेवाईकांकडे जात होता. ही दुचाकी धुळे-सोलापूर या राष्ट्रीय महामार्गावरील येरमाळा येडशीच्या दरम्यान असलेल्या धाराशीव साखर कारखाना उड्डाणपुलावर आली असता, नियंत्रण सुटल्याने दुभाजकावर आदळली व दुचाकी उड्डाणपुलावरून खाली कोसळली.

या भीषण अपघातात तरूणाचा जागीच मृत्यू झाला. तर पत्नीच्या गुडघ्याला किरकोळ दुखापत झाली आहे. आज शुक्रवार दि.९ रोजी दुपारी गोंडेगाव येथे अंत्यसंस्कार करण्यात आला आहे. 

Web Title: Accident Bike falls off flyover, youth killed

See Latest Marathi News, Ahmednagar News, and Download Now Sangamner Akole News Ahmednagar Live App