Home अहमदनगर पाथर्डीत केळवंडी शिवारात मृतदेह आढळला

पाथर्डीत केळवंडी शिवारात मृतदेह आढळला

December 24, 2023

Ahmednagar News | Pathardi: मृतदेह बाजूच्या केळवंडी शिवारात कोणी नेऊन टाकला, याचा शोध घेतला जात आहे.

पाथर्डी : तालुक्यातील केळवंडी शिवारात एका इसमाचा मृतदेह आढळून आला आहे. अनिल रामनाथ चन्ने (वय ५२, रा. रांजणी) असे मयताचे नाव आहे. पोलिसांनी मृतदेह पाथर्डीच्या उपजिल्हा रुग्णालयात आणला व शवविच्छेदन करून मृतदेह नातेवाईकांच्या ताब्यात दिला आहे.

विजेच्या तारेला अडकून मृत्यू झाला असावा, असे प्रथमदर्शनी वाटत असल्याचे पोलिसांचे म्हणणे आहे. पोलिस निरीक्षक संतोष मुटकुळे, सहाय्यक पोलिस निरीक्षक रामेश्वर कायंदे, पोलिस नाईक सुहास गायकवाड यांनी घटनास्थळाला भेट दिली आहे. रांजणी शिवारात एका शेतकऱ्याने मकाच्या शेतामध्ये विजेचा करंट सोडल्याची माहिती मिळते आहे. तेथेच चन्ने यांचा मृत्यू झाला असावा. त्यानंतर चन्ने यांचा मृतदेह बाजूच्या केळवंडी शिवारात कोणी नेऊन टाकला, याचा शोध घेतला जात आहे. मकाच्या शेताजवळ मयत चन्ने यांची एक चप्पल सापडली असून, ती नातेवाईकांनी ओळखली आहे.

पोलिस तपास करीत आहेत. याबाबत अकस्मात मृत्युची नोंद करण्यात आली आहे. पोलिस तपासात काय समोर येते, हे पहावे लागेल.

Web Title: A dead body was found at Kelwandi Shivara in Pathardi