१० वर्षीय चिमुकलीवर तिघांनी केला लैंगिक अत्याचार, धककादायक घटना!
Breaking News | Beed Crime: एका १० वर्षीय चिमुकलीवर तीन जणांनी मिळून लैंगिक अत्याचार (sexual abused).
बीड : एका १० वर्षीय चिमुकलीवर तीन जणांनी मिळून लैंगिक अत्याचार करण्यात आला. शंभर रुपये व चिकन खायला देण्याचे अमिष देत अत्याचार केल्याची धक्कादायक घटना बीडच्या चौसाळा गावात घडली आहे.
बीडच्या चौसाळा येथील १० वर्षीय पीडित चिमुकलीला राजेंद्र रामलिंग चंदनशिवे, सागर राजेंद्र चंदनशिवे (दोघेही रा. वंजारवाडी ह. मू. चौसाळा) तसेच आशिफ कुमार चौधरी उर्फ कल्लू (नेपाळी) ह.मू. वाशी, जि. धाराशिव या तिघांनी मिळून चिमुकलीला १०० रुपये व चिकन खायला देण्याचे आमीष दाखवले. त्यानंतर पीडित चिमुकलीच्या जुन्या घरात जाऊन तिच्यावर लैंगिक अत्याचार करण्यात आला. जर अश्लील कृत्याची ही बाब कोणाला सांगितल्यास तुझ्या आई वडिलांना जीवे मारून टाकण्याची धमकी दिली.
दरम्यान याप्रकरणी पीडित बालिकेने घडला प्रकार घरात सांगितला. यानंतर तिच्या आईने पोलिसात धाव घेत घडला प्रकार सांगत तक्रार दाखल केली. दिलेल्या फिर्यादीवरून बीडच्या नेकनुर पोलीस ठाण्यात बालक लैंगिक अपराध संरक्षण कायदा अन्वये गुन्हा दाखल करण्यात आला आहे. यानंतर पोलिसांकडून अत्याचार करणाऱ्याचा तिघांचा शोध चालू आहे.
Web Title: 10-year-old girl was sexually assaulted by three people
See also: Latest Marathi News, Breaking News live, Education Study
