Pune News: इंद्रायणी नदीपात्रात हातपाय धुण्यासाठी गेलेल्या तरुणाचा पाय घसरला आणि तो नदीपात्रात पडून खोल पाण्यात बुडाला (drowned).
पुणे: धूलिवंदन खेळून हातपाय धुण्यासाठी इंद्रायणीकाठी गेलेल्या २१ वर्षीय तरुणाचा नदीपात्रात बुडून मृत्यू झाल्याची घटना घडली आहे. जयदीप पुरुषोत्तम पाटील असे या मृत झालेल्या विद्यार्थ्याचे नाव आहे. तो जळगाव येथील रहिवाशी आहे.
याबाबत अधिक माहिती अशी की, आंबी येथील डॉ. डी. वाय. पाटील अभियांत्रिकी महाविद्यालयातील आठ विद्यार्थी धूलिवंदन खेळले. त्यानंतर सर्वजण वराळे हद्दीतील इंद्रायणी नदीपात्रात हातपाय धुण्यासाठी गेले. दरम्यान जयदीप पाटील याचा पाय घसरला आणि तो नदीपात्रात पडून खोल पाण्यात बुडाला.
या घटनेनंतर जयदीपच्या मित्रांनी तळेगाव एमआयडीसी पोलीस स्टेशनमध्ये या घटनेची माहिती दिली. घटनेचे गांभीर्य लक्षात घेऊन पोलीस निरीक्षक रणजित सावंत आंनी तात्काळ घटनास्थळी धाव घेतली.
दोन तासाच्या अथक शोधमोहिमेनंतर बुडालेल्या जयदीपचा मृतदेह सापडला. बचाव पथकाने बोटीच्या साहाय्याने मृतदेह नदीपात्रातून बाहेर काढला. याप्रकरणी अधिक तपास तळेगाव पोलीस करीत आहेत.
Web Title: Dhulivandan, the youth drowned in the Indrayani riverbed
See Latest Marathi News, Ahmednagar News, and Download Now Sangamner Akole News Ahmednagar Live App
