संगमनेर: वाळू उपसा करणारा ट्रॅक्टर पकडला

December 12, 2023

शासनाची वाळू मिळेना तालुक्यात अवैध वाहतूक सुरु असल्याचे चित्र समोर.

घारगाव : शासनाची वाळू मिळेना तालुक्यात अवैध वाहतूक सुरु असल्याचे चित्र समोर आले आहे. संगमनेरचे तहसीलदार धीरज मांजरे यांच्या आदेशानुसार, तलाठी युवराजसिंह जारवाल, पी.डी. तोरणे हे संगमनेर तालुक्यातील पठारभागात अवैधरीत्या वाळू उत्खनन व वाहतुकीची माहिती घेत असताना, त्यांना रविवारी सायंकाळी चार वाजताच्या सुमारास मुळा नदी पात्रात येठेवाडी (खांदरमाळ) हद्दीत विना क्रमांकाचा अवैधरीत्या वाळू वाहतूक करणारा ट्रॅक्टर आढळून आला.

चौकशीअंती वाळू वाहतुकीचा कोणताही परवाना नसल्याचे स्पष्ट झाले. हा ट्रॅक्टर महसूल पथकाने जप्त करत घारगाव पोलिसांच्या ताब्यात दिला. संदीप नंदकर (रा. शेळकेवाडी, घारगाव, ता. संगमनेर) याच्या मालकीचा हा ट्रॅक्टर असल्याचे सांगण्यात आले.

Web Title: Grabbed a tractor that lifts sand