संगमनेर: सासरच्या छळाला कंटाळून विवाहितेची आत्महत्या

June 3, 2024

Breaking News | Sangamner: सासरच्या छळाला कंटाळून विवाहितेने गळफास घेऊन आत्महत्या केल्याची घटना.

संगमनेर: सासरच्या छळाला कंटाळून विवाहितेने गळफास घेऊन आत्महत्या केल्याची घटना शनिवारी तालुक्यातील नांदुरी दुमाला येथे घडली. आरती रवींद्र साबळे (वय २७, रा. नांदुरी दुमाला, ता. संगमनेर) असे आत्महत्या केलेल्या विवाहितेचे नाव आहे.

पोलिसांकडून मिळालेली माहिती अशी की, , लग्नात हुंडा दिला नाही, या कारणावरून तिचा नवरा रवींद्र कारभारी साबळे हा दारू पिऊन तिला मारहाण करीत होता. तुला स्वयंपाक जमत नाही, लग्नात हुंडा पण दिला नाही, असे म्हणून लता कारभारी साबळे, कारभारी दादा साबळे यांनी तिला शारीरिक व मानसिक त्रास दिला. या त्रासाला कंटाळून आरती हिने राहत्या घरात दोरीने गळफास घेऊन आत्महत्या केली.

याप्रकरणी मयत आरती हिची आई मंजुळा शिवाजी हासे (रा. चिखली, ता. संगमनेर) यांनी संगमनेर तालुका पोलीस ठाण्यात फिर्याद दिली. या फिर्यादीवरून पोलिसांनी रविंद्र कारभारी साबळे, लता कारभारी साबळे, कारभारी दादा साबळे (सर्व रा. नांदुरी दुमाला, ता. संगमनेर) यांच्याविरुद्ध गुन्हा दाखल केला आहे. पुढील तपास पोलीस करीत आहे. पोलिसांनी तिघांना ताब्यात घेतले असून पुढील तपास पोलीस उपनिरीक्षक मोकळ हे करीत आहे.

Web Title: Married woman commits suicide due to harassment of father-in-law