अहमदनगर: अल्पवयीन मुलीचे अपहरण करून अत्याचार, हॉटेल मालकाला अटक
Breaking News | Ahmednagar: मुलीचे अपहरण करुन अत्याचार करणाऱ्या तरुणास राहुरी पोलिसांनी अटक केल्यानंतर सदर तरुण व अल्पवयीन मुलीस खोली देणाऱ्या गुहा येथील हॉटेल मालकाला काल अटक.
राहुरी: २० जानेवारी रोजी छत्रपती शिवाजी माध्यमिक विद्यालय येथून अल्पवयीन मुलीचे अपहरण करुन अत्याचार करणाऱ्या तरुणास राहुरी पोलिसांनी अटक केल्यानंतर सदर तरुण व अल्पवयीन मुलीस खोली देणाऱ्या गुहा येथील हॉटेल मालकाला काल अटक करण्यात आली.
याबाबत माहिती अशी की, शुभम राजेंद्र सत्रे याने अल्पवयीन मुलीचे अपहरण करुन गुहा येथील मैत्री हॉटेल येथे घेऊन गेला. तेथील हॉटेलचालकाने मुलीच्या वयाची खातरजमा न करता
सदर आरोपी व अल्पवयीन मुलीस हॉटेलच्या खोलीमध्ये प्रवेश दिला. त्यानंतर आरोपी शुभम सत्रे याने सदर अल्पवयीन मुलीवर लैंगिक अत्याचार केला. हॉटेल मैत्री पार्क चा हॉटेल मालक रवींद्र योसेफ जाधव यास ०३ फेब्रुवारी रोजी अटक करण्यात आली असून त्यास न्यायालयात हजर केले असता पोलीस कोठडी देण्यात आली.
पोलीस निरीक्षक संजय ठेंगे यांच्या मार्गदर्शनाखाली पोलीस उपनिरीक्षक एस. आर. फडोळ, लेखनिक रवींद्र कांबळे, पालीस नाईक अमोल गायकवाड यांच्या पथकाने ही कारवाई केली.
Web Title: Minor girl kidnapped and abused, hotel owner arrested
See also: Latest Marathi News, Breaking News live, Education Study
