Accident | संगमनेर: नाशिक पुणे महामार्गावर कार व दुचाकीत अपघात

Sangamner | संगमनेर: संगमनेर  तालुक्याच्या पठार भागातील पुणे नाशिक राष्ट्रीय महामार्गावरील आंबीखालसा फाट्यावर कार व दुचाकीच्या धडकेत (Accident) एक जण गंभीर जखमी झाल्याची घटना शुक्रवार दिनांक ३ जुन रोजी सकाळी घडली आहे.

याबाबत मिळालेली माहिती  अशी की, राकेश रावत राहणार ओतूर ता जुन्नर हे त्यांच्या ताब्यातील कार (क्रमांक एम एच ४३ बी वाय ६८९०) हिच्यातून आपल्या कुटुंबासोबत देवदर्शनासाठी शिर्डी येथे चालले होते. शुक्रवारी सकाळी दहा वाजेच्या दरम्यान आंबीखालसा फाटा येथे आले असता राजेश लालू पवार राहणार गुंजाळवाडी संगमनेर हे त्यांच्या ताब्यातील दुचाकी (क्रमांक एम एच १७ बी ए ९८१५) हिच्या वरून आंबीखालसा फाट्यावर रस्ता ओलांडत होते त्याच दरम्यान तेथून चाललेल्या ट्रक मुळे लक्षात न आल्याने भरधाव कारने दुचाकीला जोरदार धडक दिली यात पवार हे गंभीर जखमी झाले. यात दुचाकीचे ही मोठे नुकसान झाले आहे.

घटनेची माहिती मिळताच घारगांव पोलीस ठाण्याचे पोलीस कॉन्स्टेबल विशाल कर्पे, गणेश तळपाडे,नामदेव बिरे आदिंनी घटनास्थळी धाव घेतली व जखमीला खाजगी रूग्णवाहीकेद्वारे संगमनेर येथील खाजगी रुग्णालयात दाखल करण्यात आले.

Web Title: Sangamner Car and two-wheeler accident on Nashik-Pune highway