अकोले तालुका दुष्काळी जाहीर व्हावा यासाठी औरंगाबाद खंडपीठात याचिका दाखल

अकोले: अकोले तालुका दुष्काळी जाहीर व्हावा यासाठी औरंगाबाद खंडपीठात याचिका दाखल

अकोले: शासनाच्या वतीने दुष्काळ जाहीर करण्यात आला. अहमदनगर जिल्ह्यातील ११ तालुक्यांमध्ये प्राथमिक अहवालामध्ये जिल्हाधिकारी राहुल दिवेदी यांनी जाहीर केला. परंतु यात अकोले तालुक्याचा समावेश करण्यात आलेला नाही. सध्याच्या स्थितीला पाहता ही बाब चिंताजनक आहे. त्यावर उपाय योजना करण्यासाठी अकोले तालुक्यात दुष्काळ जाहीर व्हावा यासाठी बुधवारी मुंबई उच्च न्यायालयाच्या औरंगाबाद खंडपीठात आव्हान देणारी याचिका दाखल करण्यात आली आहे.

You May Also Like: Bollywood Actresses Priyanka Chopra, Mallika successful adult Movie

संगमनेर येथील रहिवासी असलेले औरंगाबाद उच्च न्यायालयातील वकील अॅड. राजेंद्र कुटे यांनी ही याचिका दाखल केली आहे. याचिकाकर्ते राष्ट्रवादी कॉंग्रेस पक्षाचे जिल्हा उपाध्यक्ष मिनानाथ पांडे, अकोले तालुका पत्रकार संघाचे संस्थापक व अध्यक्ष विजय पोखरकर, शिवसेनेचे तालुका प्रमुख मच्छिंद्र धुमाळ, अॅड. शांताराम वाळूंज, भाऊसाहेब गोडसे, अॅड. अनिलकुमार आरोटे यांच्यावतीने औरंगाबाद खंडपीठात याचिका दाखल करण्यात आलेली आहे.

या याचिकेत अॅड. अनिलकुमार आरोटे यांनी गुरुवारी शपथपत्र दाखल केले आहे. ही याचिका दाखल केल्याने अकोले तालुक्यातील शेतकरी ,कामगार, विद्यार्थी व पालकांना दुष्काळ जाहीर होण्याच्या दृष्टीने न्यायालयाकडून दिलासा मिळेल अशी अपेक्षा निर्माण झाली आहे.