‘मला तुझ्याशी काही बोलायचे आहे’, नवविवाहितेला घरी बोलावून संपवलं, प्रियकराची नंतर आत्महत्या

Crime News:  नवविवाहित महिलेच्या प्रियकरानं तिचा खून करून नंतर स्वतः आत्महत्या (Suicide) केल्याची घटना.

सातारा : सातारा जिल्ह्यातील खटाव तालुक्यात एक धक्कादायक घटना समोर आली आहे. नवविवाहित महिलेच्या प्रियकरानं तिचा खून केल्यानंतर स्वत: आत्महत्या केल्याच्या घटनेमुळं खटाव तालुक्यातील वांझोळी गावात खळबळ उडाली आहे. या घटनेनंतर औंध आणि पुसेसावळी पोलिसांनी घटनास्थळी धाव घेतली. दत्तात्रय सुरेश माळी (वय २७, रा. वांझोळी, ता. खटाव) असं आत्महत्या केलेल्या प्रेमविराचे नाव आहे. स्नेहल वैभव माळी (वय २२, रा. शामगाव, ता. कराड) असं नवविवाहित महिलेचं नाव आहे.

खून झालेली नवविवाहिता स्नेहल माळी हिचा दोन महिन्यापूर्वी विवाह झाला होता. माहेरी आली असता तिला दत्तात्रय माळी याने घरी बोलावलं, स्नेहल माळी हिला घरी बोलावून तिच्यावर चाकूने, कोयत्याने सपासप वार करून खून केला. त्यानंतर स्वतः ही गळफास घेवून आत्महत्या केली. या घटनेने कराड व खटाव तालुका हादरून गेला आहे.

या घटनेची माहिती मिळताच औंध व पुसेसावळी पोलिसांनी घटनास्थळी धाव घेतली. दरम्यान, उपविभागीय पोलिस अधिकारी डॉ. निलेश देशमुख, सहायक पोलीस निरीक्षक दत्तात्रय दराडे यांनी घटनास्थळी भेट दिली. या घटनेची रात्री उशिरा औंध पोलिसात नोंद झाली आहे.

याबाबत औंध पोलिसांनी सांगितले की वांझोळी येथील दत्तात्रय माळी व स्नेहल यांचे एकमेकांवर प्रेम होते. मात्र, दोन महिन्यांपूर्वी स्नेहल हिचा शामगाव येथील युवकाशी विवाह झाला होता. स्नेहल माळी ही दोन महिन्यांनंतर ती शनिवारी आपल्या माहेरी वांझोळीत आली होती. दत्तात्रय व स्नेहलचे घर काही अंतरावर आहे.

रविवारी सायंकाळी दत्तात्रय याने ‘मला तुझ्याशी काही बोलायचे आहे’, असे सांगून स्नेहलला आपल्या घरी बोलावून घेतले होते. घरात कोणी नसल्याचा फायदा घेत दत्तात्रय याने स्नेहल हिच्यावर चाकू आणि कोयत्याने सपासप वार केले. स्नेहलला वर्मी घाव लागल्याने तिचा जागीच मृत्यू झाला. त्यानंतर दत्तात्रय यानेही त्याच घरात गळफास घेऊन आत्महत्या केली.

Web Title: a woman’s lover killed her and then committed suicide

See Latest Marathi News, Ahmednagar News, and Download Now Sangamner Akole News Ahmednagar Live App