संगमनेर: चोरीचा प्रयत्न फसला; एकाला रंगेहाथ पकडले

April 22, 2024

Breaking News | Sangamner Crime: एका व्यावसायिकाच्या इमारतीवरील छतावर तिघेजण चोरी करण्याच्या उद्देशाने सामानाची उचकापाचक करत असताना रंगेहाथ पकडले.

संगमनेर: शहरातील आदर्शनगर येथील एका व्यावसायिकाच्या इमारतीवरील छतावर तिघेजण चोरी करण्याच्या उद्देशाने सामानाची उचकापाचक करत असताना रंगेहाथ पकडले. त्यातील एकाला पकडले, मात्र दोघे पळून जाण्यात यशस्वी झाले. सदर घटना रविवार दि. २१ एप्रिल रोजी मध्यरात्रीनंतर एक वाजेच्या सुमारास घडली. आदर्श नगर येथील व्यावसायिक तिलक कल्पेश गांधी यांच्या इमारतीच्या छतावर चोरी करण्याच्या उद्देशाने गणेश राजू जेडगुले (वय २६, रा. मालदाड, ता. संगमनेर), सिद्धार्थ दीपक मावस व प्रशांत दीपक मावस (दोघेही रा. घुलेवाडी, ता. संगमनेर) हे तिघे सामानाची उचकापाचक करत होते. त्यांना गांधी यांनी आवाज दिला असता जेडगुले याला पकडले, मात्र दोघे साथीदार पळून जाण्यात यशस्वी झाले. याप्रकरणी तिलक गांधी यांनी दिलेल्या फिर्यादीवरून वरील तिघांवर गुन्हा दाखल केला आहे.