गेल्या आठ दिवसांत धुमाकूळ घालणारा बिबट्या अखेर जेरबंद

November 5, 2020

पाथर्डी | Pathardi: पाथर्डी तालुक्यात गेल्या आठ दिवसांपासून धुमाकूळ घालीत असलेला बिबट्या अखेर जेरबंद करण्यात अखेर वनविभागाला यश आले आहे. गुरुवारी पहाटे सावरगाव हद्दीत सटवाई दर्याचे वरील पठारावर लावण्यात आलेल्या पिंजऱ्यात बिबट्या जेरबंद झाला आहे.

अहमदनगर, जळगाव, पुणे, औरंगाबाद, बीडची पथके या बिबट्या मोहिमेत पाच दिवसांपासून कार्यरत होती. गुरुवारी पहाटे तीन वाजेनंतर पिंजरयातील बोकडाचा फडशा पाडला. बोकडाचा फडश्या पार पडत असताना पिंजर्याचा दरवाजा बंद होऊन बिबट्या जेरबंद झाला. अनेक दिवसांपासून हा बिबट्या शिरापूर, पानतासवाडी, करडवाडी, सट्वाईदरा, गाढवदरा या भागांत वावरत होता. त्याने याच भागांत अनेक रानडुकरे यांचाही फडशा पाडला आहे. भक्षाची शोद्ग घेत त्याने मानवी वस्त्यांकडे वळाला होता. या बिबट्याने आठ दिवसांत तीन मुलांना उचलून नेले होते. त्यात त्यांचा मृत्यू झाला होता.