अकोले तालुक्यात कासव व घुबडांची तस्करी

अकोले तालुक्यात कासव व घुबडांची तस्करी

भंडारदरा: अकोले तालुक्यातील भंडारदरा धरण परिसरातील एका गावामध्ये भानामती जादूटोणा, गुप्तधन आणि पैशांचा पाउस पडावा यासाठी कासव आणि घुबडांची तस्करी होत असल्याची दबक्या आवाजात होत आहे. वनविभागालाही याबाबत कुणकुण लागली आहे. यासंदर्भात वनविभागाने चाचपणी सुरु केली आहे.

 अकोले तालुक्यातील भंडारदरा धरण परिसरात एका गावामध्ये घुबड आणि कासव पाळलेले असल्याची चर्चा आहे. परंतु याबाबत स्पष्ट बोलण्यास कोणीच तयार होत नसल्याने मालक कोण आहे. याचा उलगडा होत नसल्याने संब्रम आहे. या घुबडांचा वापर जादूटोणा , भानामती गुप्तधन व पैशाच्या पाऊसासाठी होत असल्याची दबक्या आवाजात चर्चा आहे. एक कासव आणि एक घुबड तीन ते पाच लाख रुपयांपर्यंत विकले जाते. बऱ्याच दिवसांपासून या गावात एका वस्तीवर कासव पाण्याच्या टपमध्ये तर घुबडासाठी जाळी बनवून व्यवस्थितरीत्या बंदिस्त ठेवलेले आहे. या घुबडाना दररोज चारशे ते पाचशे रुपयांचे मटन मासे विकत घेऊन खाऊ घात असल्याचे समजते.

वन विभागालाही या गावामध्ये कासव आणि घुबड असल्याची कुणकुण लागली असून नक्की कोणत्या परिसरात हे प्राणी बंदिस्त आहे. याची कसून चौकशी वनविभागाने सुरु केली आहे.  

पहा बातमी : मेंढ्या चारण्यासाठी गेलेल्या तरुणाचा विहिरीत पडून मृत्यू