Breaking News | Nashik Crime: लिव्ह इन रिलेशनशिपमध्ये राहताना ४० वर्षीय संशयिताने तिच्यावर लैगिंक अत्याचार केल्याची घटना समोर आली आहे.
नाशिक : विवाहितेसोबत लिव्ह इन रिलेशनशिपमध्ये राहताना ४० वर्षीय संशयिताने तिच्यावर लैगिंक अत्याचार केल्याचे समोर आले आहे. मात्र नंतर त्यांच्या खटके उडू लागल्यानंतर त्याने अत्याचाराबाबत वाच्यता केल्यास कुटूंबियांना जीवे मारण्याची धमकी दिली. यामुळे पीडित विवाहितेने आडगाव पोलिस ठाणे गाठत तक्रार दाखल केली आहे. याप्रकरणी संशयिताविरोधात बलात्कारप्रकरणी गुन्हा दाखल करण्यात आला आहे.
आमोद सुभाष बुद्धीसागर (४०) असे संशियीत आरोपीचे नाव आहे. नांदूर नाका परिसरात राहण्याऱ्या २६ वर्षीय पीडितेच्या फिर्यादीवरून, तिचा काही वर्षांपूर्वी विवाह झाला असून तिला दोन अपत्ये आहेत. दोन वर्षांपूर्वी तिचा पती तिला सोडून गेला आहे. दोन अपत्यांसह राहण्याऱ्या पीडितेचा काही महिन्यांपूर्वी संशयित बुद्धीसागर याच्याशी ओळख झाली. त्यानंतर ऑगस्ट २०२२ पासून दोघे लिव्ह इन रिलेशिनशिपमध्ये राहू लागले होते.
या दरम्यान संशयित बुध्दीसागर याने पीडितेवर नांदूरनाका, त्रिमूर्ती चौक परिसरातील घरी पीडितेवर लैंगिक व अनैसर्गिक अत्याचार केले. दरम्यान, काही दिवसांपासून पीडितेने बुद्धीसागर याच्यासोबत राहण्यास नकार दिल्याने त्यावरून त्यांच्यात खटके उडत होते. तर, संशयिताने, कुठे या प्रकाराची वाच्यता केलीस तर तुझ्या कुटुंबास जीवे ठार मारीन, अशी धमकी दिली होती.
त्यामुळे पीडितेने आडगाव पोलिस ठाणे गाठून फिर्याद दिली. त्यानुसार संशयिताविरोधात बलात्काराचा गुन्हा दाखल केला असून, पसार झालेल्या संशयिताचा पोलिस शोध घेत आहेत. अधिक तपास महिला सहायक पोलीस निरीक्षक अश्विनी पाटील या करीत आहेत.
Web Title: Abuse of married while living in ‘live-in’
See also: Latest Marathi News, Breaking News live, Education Study
